🧭 Introdución

Os erros no Catastro son moito máis frecuentes do que parece.
Moitas fincas teñen superficies incorrectas, lindes desprazados ou formas que non coinciden coa realidade física, e isto pode xerar problemas en herdanzas, compravendas, segregacións ou proxectos de arquitectura.

Antes de continuar, lembra que noutro dos nosos artigos explicamos como se corrixe unha discrepancia catastral paso a paso, incluíndo o proceso de levantamento, GML e IVG.
Podes consultalo aquí 👉 “Como se corrixe unha discrepancia catastral paso a paso?”

Imos ver agora as causas máis comúns dos erros catastrais e como evitalos.

🧩 1. Planos antigos ou mal levantados

Moitas parcelas foron dadas de alta no Catastro hai décadas a partir de descricións verbais, planos aproximados ou medicións sen instrumentación moderna. Isto provoca:

• Superficies pouco fiables
• Lindes mal colocados
• Formas deformadas respecto da realidade

➡️ Se o plano inicial é incorrecto, todo o que se faga despois arrastrará ese erro.

🧩 2. Actualizacións automáticas do Catastro

En moitas zonas rurais o Catastro fixo actualizacións masivas baseadas só en ortofotos antigas, sen levantamento en campo.
Isto pode xerar:

• Parcelas mal interpretadas
• Saltos entre lindes
• Solapamentos entre parcelas

➡️ A cartografía catastral é orientativa: o que manda é a realidade medida polo técnico.

🧩 3. Herdanzas e vendas feitas sen revisar o plano

É moi frecuente acudir á notaría usando a superficie catastral sen comprobar se é correcta.
O resultado:

• A escritura repite un erro previo
• O Rexistro inscribe unha superficie incorrecta
• O problema sae á luz anos despois, cando hai que vender, segregar ou construír

➡️ Aquí insisto no que xa comentamos no artigo sobre subsanación:
👉 Antes de facer nada, subsana o Catastro.

🧩 4. Construcións non declaradas ou mal situadas

Se se constrúe unha vivenda ou galpón e non se declara, aparecerá unha discrepancia clara.
E mesmo cando se declara, ás veces a construción queda mal colocada dentro da parcela.

Para isto existe o ICUC (Informe Catastral de Ubicación de Construcións), que explicamos ➡️ NESTE ARTIGO

Exemplo:

🧩 5. Parcelas que se solapan

Cando dous lindes están desprazados, é frecuente que dúas fincas:

• se solapen parcialmente
• deixen ocos entre elas onde aparezan outras parcelas inexistentes
• cambien de forma real

➡️ O solapamento sempre debe resolverse cun levantamento topográfico preciso.

🧩 6. Segregacións feitas “a ollo”

As divisións feitas sen levantamentos UTM ETRS89 adoitan xerar futuros problemas de:

• conflictividade veciñal
• imposibilidade de coordinar a finca no Rexistro
• escrituras que non coinciden coa parcela real

➡️ A topografía profesional evita estes erros.

🧩 7. Parcelas desprazadas ou xiradas

Este é un dos erros máis típicos cando o Catastro se actualiza sen comprobación en campo ou cando os planos antigos non están xeorreferenciados.

Consiste en que a parcela:

• aparece desprazada varios metros respecto do seu sitio real,
• aparece xirada, de maneira que a orientación non coincide,
• ou directamente aparece fóra da súa posición correcta.

Este erro é moi común cando:

• se dixitalizaron planos antigos sen puntos de referencia,
• houbo cambios de ortofoto,
• ou a parcela foi debuxada a man sen coordenadas reais.

Aquí podes ver un exemplo dunha aldea onde varias parcelas e casas están movidas respecto da súa posición real:

➡️ A consecuencia é que o lindes non coinciden, e poden chegar a invadir ou afastarse de parcelas veciñas.

➡️ Solución:
Como nos artigos de subsanación e IVG explicamos, a corrección real pasa sempre por un levantamento topográfico en UTM ETRS89, creación do GML e obtención dun IVG favorable.

Queres aprender o que é un IVG? ➡️ Le este artigo sobre o Informe de Validación Gráfica

🧭 Como evitar ou solucionar estes erros?

✔️ 1. Levantamento topográfico profesional

É a única maneira de saber cal é a forma e superficie REAL da parcela.

✔️ 2. Preparación do GML e solicitude do IVG

No artigo «Que é un IVG e cando o necesito?» explicamos con detalle este proceso.
Aquí resumiámolo:

• Créase o ficheiro GML coa xeometría exacta
• Solicítase o IVG no Catastro
• Se é favorable, pódese seguir coa documentación notarial

✔️ 3. Subsanar ANTES de calquera trámite

Este é o punto máis importante de todos:

• Antes do modelo 900
• Antes dunha segregación
• Antes dunha agregación
• Antes do ICUC
• Antes de vender ou herdar
• Antes de ir á notaría

👉 Como xa explicamos no artigo sobre subsanación:
Se o Catastro está mal, todo o demais estará mal tamén.

✔️ 4. Coordinación Catastro–Rexistro

Unha vez corrixida a parcela, é recomendable coordinala para que:

• escritura
• Rexistro
• Catastro

coincidan coa medición real.

🏁 Conclusión

Os erros no Catastro son frecuentes, pero non deben ignorarse.
O proceso correcto é sempre o mesmo:

👉 Levantamento → GML → IVG → Subsanación → Escritura → Rexistro.

E en O Marco Topografía acompañámoste en cada paso.

📞 Contacta connosco

📧 omarco.topografia@gmail.com
📞 606 526 452
📍 Avenida de Fisterra, 35 – Vimianzo

➡️ Solicita revisión catastral sen compromiso.